დეკემბრის პირველი რიცხვებიდან დაფიქსირდა ტვირთის რაოდენობის უპრეცენდენტო ზრდა, რისთვისაც დიდ მადლობას ვუხდით ყველა ჩვენს მომხმარებელს, ვინც სარგებლობს ჩვენი მომსახურებით. ტვირთის დახარისხება 24 საათიან რეჟიმში გადავიდა, ფილიალის საწყობები კი ჩამოსული ამანათებით გადაივსო. ალბათ შენიშნავდით რეისების მომატებულ რაოდენობასაც ბლოგზე.
გთხოვთ გაითვალისწინოთ, რომ ზამთრის სეზონთან დაკავშირებით ზოგადად გადატვირთულია ამერიკის საფოსტო კომპანიები UPS, USPS, Fedex. ხშირად ხდება, რომ მათ ამერიკის საწყობში ამანათები დროულად ვერ მიაქვთ, ხოლო ელექტრონულად წინასწარ აფიქსირებენ, რომ ამანათი ჩაბარებულია. ამის გამო პერიოდულად შეინიშნება თრექინგ კოდების სისტემაში ასახვასთან დაკავშირებული შეფერხებები.ფილიალებში ფართის ნაკლებობას არ ვუჩივით, არც ამანათისთვის რიგში დგომა გიწევთ საშუალოდ 5 წუთზე მეტი, თუმცა მათი გატანა აქტიურად მაინც არ ხდება. თუ თქვენ უკვე ჩამოგივიდათ ამანათები, ნუ გამოცდით ჩვენს ტექნოლოგიებს, საწყობის გადავსების შემდეგ შესაძლოა თქვენი ამანათი სპეციალური მოწყობილობით დაიჭეჭყოს და შემცირდეს ზომაში :) სანერვიულო არაფერია, მზად გვაქვს ამანათების განმჭეჭყიც). ამიტომ გთხოვთ დროულად მოაკითხოთ და გაიტანოთ ისინი ოფისებიდან.